من المتوقع في المستقبل إن التعليم في العالم حيبقي معظمه اونلاين وحيعتمدوا في اختيار الموظفين علي المهارات وفي فتره الحجر الصحي شباب كتير استغل الفرصة واخدوا كورسات اونلاين في المجالات اللي مهتمين بيها
لكن للأسف في ناس كتير لسه ميعرفوش ازاي ياخدوا الكورسات دي ويجبوها منين وايه هي المواقع اللي ياخدوا عليها
عشان كدا حبيت اني اعرفكوا علي شويه مهارات مهمه جدا واللي علي أساسها خيختاروا الموظفين الكفئ في المستقبل زي (إدارة الوقت- التواصل- التسويق- التفاوض....)
وحتبقي من مواقع عالمية و موثوقة زي "إدراك, كورسيرا، يوديمي.....) وتكون باللغه العربيه او مترجمه للعربيه عشان اللي عنده مشكله في اللغه
وأول مهارة هي "إدارة الوقت و مواجهه الضغوط النفسية"
عشان تقدر تشتغل بفاعليه اكبر وتحقق إنجازات اكتر و من غير ما تتعرض للضغط النفسي والجسمي لازم تتعلم تدير وقتك
_وأول كورس ارشحه هو كورس "إدراة وتنظيم الوقت وتمالك الضغوط" علي موقع إدراك
_ كورس "إدراة الوقت" علي موقع يوديمي
_ كورس "Work smarter not harder" من موقع كورسيرا
- دي طريقه ازاي تقدم علي الدعم المالي للكورس علي منصه كورسيرا عشان تاخد شهاده إتمام الكورس
وبما أن عدم تنظيم الوقت بيؤدي لضغوط نفسيه فلحد ما نقدر ننظم وقتنا لازم نعرف ازاي نواجهه الضغوط دي
_ كورس "إدارة القلق والصدمات النفسيه" علي موقع إدراك
_ده كورس " كيف نحول الضغط النفسي لصديقنا المحفز"علي موقع فرصة
ومن المهم اني اقولكوا أن لو اخدت شهادات من المواقع دي + مواقع تانيه كتير "حشاركها معاكوا بإذن الله" ده حيتقل الCV بتاعكوا وترفع نسبه قبولكوا في أي عمل تقدموا عليه، لكن الأهم ان يكون عندك المهارات دي فعلاً لأنهم زي ماقولت فوق حيختاروا حسب المهارات ولو اعتمدت علي الشهادات اللي بتاخدها وبس ومش بتطبق عليها يؤسفني اني اقولك أنك حتتعرض لمشكله كبيرة وحتترفض وبس كدا
ده كان الموضوع النهارده عن مهاره من أهم المهارات المستقبليه
وبإذن الله حنزل كل يوم موضوعات كورسات مختلفه في مختلف المجالات والتخصصات
اتمني يكون الموضوع عجبكوا وتشركوني بتعليقات فيها المجالات والتخصصات اللي حابين انزل كورسات عنها
ودي قناه التيلجرام للي حابب يتابع اول بأول الكورسات والموضوعات الجديدة اللي حتنزل😊
جميل جزاك الله خيرا يا هاجر❤️❤️❤️
ردحذف😘😘😘😘
ردحذفجميل جدًا يا هاجر 😍
ردحذفعظييييم جداااا ومفيد ♥♥♥♥♥
ردحذف